حبيبي ليه متغير؟؟
وش إللي صار علمني ترى مدري وش إللي صار
وش الذنب إللي سويته علشان إنت تتغير
إذا كان السبب طبعي بغير طبعي لاتحتار
وإذا حبي ماهو كافي بحبك أكثر وأكثر
قضيت أيام في حيره وتلعب فيني الأفكار
أنا شسويت وين أخطيت أحاول بس أتذكر
ولا أذكر سوى حبي وضحكة عاشقين صغار
وقلب ماعشق غيرك في حبك عمره ماقصر
مدامي ماغلطت بشي حبيبي منين أجيب أعذار
ياروحي الله مايرضى علي وإنت ماتشعر
حبيبي ماتعودنا نخلي بيننا أسرار
وإذا فعلا" أنا مخطي لجل عينك بتعذر
عيوني روحي وقلبي حلالك كلهم وإختار
وش إللي بينهم يرضيك ويخلي حبنا يكبر
ولكن لاتخليني قبل لاتقول و شللي صار
أبي أعرف أبي أفهم حبيبي شفيك متغير