اول شي .. عليكم السلام ورحمة الله وبركاته ..

والله يحييك يا اخت (ذالتهم عيوني)

الشي الثاني ؛ خلونا شوي واقعيين ، لنفترض البنت فقدت عذريتها لسبب مو بيدها ، يعني مافيه امور جنسية ، اعتقد يا اختي الشاب الي تقدم لها ، اختارها هي من بين كل البنات ، وهو ما اختارها ، او اهله اختاروها الا لانه او لأنهم يشوفونها بنت مثالية وتناسبهم ، وهالشي مفروغ منه ، لكن البنت خلال فترة الخطوبة ، ليه ما تصارح الشاب بالشي هذا ، وتوضح له من البداية ، انه السبب في الشي هذا هو كذا كذا .. وانتهينا .

الشاب يا اختي ، اولاً وأخراً (انسان) يملك احاسيس المحبة والرحمة ، ويمكن يتعلق فيها اكثر وأكثر ، اذا كان هدف البنت انها تبتدي حياتها بمصداقية وشفافية ؛ لكن لما الشاب يتسلف من هنا وهناك ، عشان يجمع نفسـه ويتزوج ، بعدها يكتشف ان البنت كذبت عليه ، وش بيكون موقفه ؟ .

لما حياته تبتدي بكذبة او عدم مصداقية ، الزواج مثل البيت ، اذا أساس البيت سليم ومتين ، راح يواجه متاعب الحياه ، لكن اذا كان اساسه (هش) وبدال من ان العلاقة تسودها المحبة تنقلب لظنون وشكوك ؛ صدقيني يا اختي ، إن اصعب شي على الشاب امور الشرف ، واكيد هالشي بعد صعب على البنت .

وكلامي هذا مو معناته اني اقول للشاب طلق البنت الي ما صارحتك من البداية ، بل بالعكس ، كل مشكلة ولها حل ، واذا هدى اعصابه ، وما استعجل ، وبحث بالموضوع ، واتضح له ان البنت فقدت العذرية للسبب الفلاني ، راح يكمل حياته وزواجه .. والله يوفقكم يارب كلكم


مشكوره يا اخت ذالتهم ، وبداية مميزة ماشاء الله ، وان شاء الله نشوف ابداعك متجدد .. مع بالغ التحية .. " ذات إنسان " .