{ على قيتار الحزن •»

هي بعد 12 ليلا تدخل النـــت

صباحكم / مسائكمرضا وسعادة من الرحمن



أنا اليوم جايب لكم موضوع نتناقش فيه لأنه يحمل قضية قابلة للنقاش .. باختصار هو موضوع ينرفز شوي لأنه فيه قسوة بالحكم المطلق على البنات أو نقول يحمل علامات التعجب والاستفهام في نظرة الشباب للبنات اللي يدخلون المنتدى بعد الساعه 12 بالليل ..

هنا حوار صار لوحدة من البنات في احد المنتديات ( وربما صادف لأحد الأخوات - بس مو في هذا المنتدى إن شاء الله ) - وهذا الحوار هو اللي خلاني أناقشكم فالموضوع ><

للتوضيح : الحوار كان في الرسايل الخاصه بين عضو وعضوة في أحد المنتديات وطبعا مايعرفون بعض .
وكان الحوار كالتالي :
الولد: السلام عليكم يالغاليه .. ممكن نتعرف فديتك !!
<< سخاااافه

البنتطااف ( يعني ما ردت على رسالته )

الولد : صووبنا يا حلووو .. ممكن اتعبرينا شوي..

والبنتبعد طاااف ..

الولد: انزين ليش جايه انتي .. مافيها شي لو رديتي علي .. يعني انا أعرفك ولاأعرف أهلك .. عادي عادي ردي يالغاليه لا تكونين معقده .

البنتملت من الرسايل .. عاد فوق العشر رسايل ورا بعض وبنفس الوقت .. من أول ما تدخل المنتدى وهو هالكها بالرسايل.

البنت : وعليكم السلام أخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى أرسل رساله واذا ماعندك شي مهم رجاءً لااترسل لي شي ..

الولد : ههههههههههههههههههههههههههههههههههه إحلفي ؟ ترى صدقتك ..عاد تبين اتبينيلي انك وحده محترمه هههههههههههههههههههه هذي حركاتكم يالبنات .. لازم أول شي اتخلون عماركم شريفات وعقب يبين المستوووووور خخخخخخخخخ أجل داشه بهالوقت للمنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه 12 خخخخخخخخخخخخ والله انكم حااااله ..
<<عقول سقيمه بجد
..............

وانتهى الحوار لـ هذا الحد .. لأن البنت مصدوومه من نظرة الشباب للبنت اللي تدخل المنتدى فـي وقت متأخر من الليل !!! وقامت وأرسلت الرسايل الخاصه كلها لمديرهم .. واتصرف فالمووضوع بنفسه .


طويلين العمر .. أسئلتي اللي تطرح نفسها الحيــــــــن ..

هل فعلا نظرة الشباب للبنت اللي تدخل

المنتديات أو الشبكه العنكبوتيه بعد

الساعه12 تعتبر بنت مو محترمه ؟؟؟

وهل فعلا هذا تفكير كل الشباب حتى لو كان دارس بأمريكا أو حتى لو جزء من تفكيرهم؟؟؟

طيب ولو كان هذا هو تفكيرهم ؟؟

ممكن ياللي انتم منهم تعطونا الأسباب والمبررات اللي تخليهم يفكرون بهذه الطريقه؟!!

الصراحة إني منصدم من هذا الشي لأنه فعلا هذه النظرة لازالت موجوده بمجتمعنا حتى هذه اللحظه ..

حتى وإن أنكرنا هذا الشي أو استحينا منه أو جاوبنا بأجوبه دبلوماسيه ..

بس هل يعني هذا الشي إنه للاحترام وقت معين وانه بعد 12 بالليل ينتهي دوام الاحترام ؟؟<< هههههههه

أبي منكم ولا أمر عليكم إجابات ونقاشات لـ هالاسئله ..؟من الجميع وخصوصاً الشباب

وتقبـــــــــــلوا خالص تحياتي

مما راق لي واحببت ان تناقشوني فيه

آنجن , آذآ نآديَته يا..... وقآل
( عيووووووونه )
وآرتآح آذآ نآدآه غيرَي وقآل
( وشَ عندك ! )