مابي كل تفكيرك ابي شوي منك احساس

مابي كل حبك بس ابـي مـا تناسانـي

ابي بس منك وانت جالس ما بين النـاس

تذكر غلاي وتذرف الدمع مـن شانـي

مابي اصير لك مثل الهواجيس والوسواس

ابي كـل مـا غفـت عيونـك تمنانـي

ابي لا سألوك الناس وشبك عسى ما باس

تطيح الحروف مـن المحبـه وتقرانـي

وانا بشتعل لجلك مثل شعلـة المجبـاس

على شان عن برد الشتا حـب تدفانـي

مابي يصير حبك لي حبرٍ على قرطـاس

ليا انه انمسح تكتب علـى واحـدٍ ثانـي

تحديت فيـك النـاس والعـاذل البـلاس

وتحديت تعذيبي علـى انهـاك وجدانـي

نحت اسمك بقلبي وقفلت انـا الاقـواس

وحضنتك ما بين القلب وجفون الاعياني

وشريتك بشي اغلا من اللول والالمـاس

بقلبٍ سكنته مـا سكنـه قبلـك انسانـي

مادامي اني عطيتك غلايه بدون قيـاس

وش اللي حصل بعدالغـلا ليش؟تجفانـي

فراقك زفيروشهقـةٍ واحتبـاس انفـاس

مابين الضلوع اللي على الوصل تنخاني

انا ما طلبتك شي كايد طلبـت احسـاس

ابي منك لو طال الزمـن مـا تناسانـي