08-18-2009, 03:51 AM
|
#1 | |
 
|
حركات البنات في المنتديات
..( 1)..
اذا كانت تبي تبين انها دلوعه ورقيقه اتشوفها حاطه وروود ودباديب و صور اطفال او صور كرتونيه ( سالي وليدي) و دووم تكتب بالوان هاديه (وردي و احمر) مسويه عمرها بنوته !!! طبعا هذا كله خريط وباللغه العاميه شخابيط .. ..( 2 ).. اذا الشباب حطوا موضوع يخوف والا مقزز شوفوا الردود : مخوف واااااااااااااااااااااي اهئ اهئ / حراااااااااام عليكم خوفتوني لا لا لا ما اتحمل بصيح بصيح /ماماتي لا لا ما بنام روحي اليوم بروح بنام عند مامي / لا لا مستحيل ابي امي ابي ابوي ابي زوجي ,,,, (يعني عاد خايفه و ما تتحمل ) مقزز مقرف وعععععع شنو هذا / لوعت كبدي ( وفخاطرها تقول يم يم لذيذ ) ..( 3 ).. اذا كانت مريضة تعالوا شوفوا الدلع فالردود: واااااااااااااااي انا مزكمة و خشمي منسد واااااااي ما اقدر اتنفس , الحقووا علي بموت ,,,, يا ويلي اهئ اهئ مابي اروح المستشفى اخاف من الابرة امي ,,, لا مابي اهئ اهئ ( توقف الصياح و تكح) كح كح كح وما تخلي حد الا قالت له انها مريضه ( وآخر شي يظهر ما فيها شي والدكتور يعطيها حبت بندول ويقوللها انقلعي من وجهي او ان قصدها من هالحركات يلبولها طلباتها ) يقطع ام الدلع ياناس  ..( 4 ).. عاد كله كوووووووووووووم و الدراسه كوم اذا كانت تدرس في جامعة و لا كلية ,,, تبي تعلم كل اعضاء المنتدى انها جامعية (مو مصدقة) و تقعد عاد تتكلم عن السير الفلاني وعن كلاساتها و اذا عليها Quize لازم كل الاعضاء يعرفون !!! تنزل موضوع طول و عرض و آخر شي يطلع : امييييييييييييييييييييييييييييه . والله خايفه من Quize باكر و مو قادره اذاكره---- والله ماله و كبدي لايعة ياااااااااااااااااااااااااااا ربي ,,, وش اسوي اهئ اهئ ( و تلقاها عليها امتحان علوم هذا اذا ماكان اقتصاد بعد / ثاني متوسط لا و منازل بعد!!!) ..( 5 ).. دووووم تمثل دور البنت المدلله اللي ما ينرفض لها طلب اذا تكلموا عن طبيخ ,,, قالت : ( وع انا ماخش المطبخ اخ كابوس .. اصلا نحن عندنا 3 طباخين ) (( كله كذب ,,, تلقى اهلها كارفينها كراف من غسل المواعين و القدور .. حتي السيارات يمكن هي تغسلها واذا خلصت الشغله يخلونها تغسل الفرش والزوالي )) ..( 6 ).. و اذا اطرحوا موضوووع عن دووول سياحيه (مشهوره) قالت : عاادي انا كل صيف اروح لها و اصلا نحن عندنا محلات و عقارات هناك (( والله و لا راحت هالاماكن .. اصلا موقع الدوله عالخريطة ماتدله حدها الشرقيه وتخب عليها )) ..( 7 ).. اذا تكلموا عن الماركات و المحلات الراقية والغالية و الازياء و المصممين شوفوا الرد عاد ( اصلا انا ساعاتي كلها من هالماركة و مكياجي ما اشتريه الا من هالمحل و المصمم هذا اصمم عنده (بيجاماتي) و جلابيات البيت وفساتين الاعراس. الخ ) |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حركات البنات و تقليد من الشباب ههههههه | څجـۇڵۃ ٱڵمبـښـ۾ | ♣ ضحك وفرفشة - تسلية - نكت - مواقف طريفه ≈ | 2 | 05-19-2010 07:46 PM |
| علمتني المنتديات | اّحساّاٍاّسـ | ♣ الأرشيف ،، المواضيع المكررة والمخالفة ≈ | 2 | 10-08-2009 06:29 AM |
| هواجيس وتفكير البنات في المنتديات كاركاتير | ¶»كّہہلآٍسہيہكّہيٍ«¶ | ♣ صور - كاريكاتير - عامة - غرائب - خلفيات لسطح المكتب ≈ | 17 | 08-02-2009 04:58 AM |
| الشكر والردود في المنتديات ؟ | мя.Ḿụђǻммď | ♣ حوار - نقاش هادف - وجهة نظر - رأي ورأي آخر ≈ | 11 | 03-25-2009 10:17 PM |
| حركات البنات والاولاد ايام الامتحانات | وردة الجوري | ♣ ضحك وفرفشة - تسلية - نكت - مواقف طريفه ≈ | 5 | 06-03-2008 05:15 AM |
| RSS RSS 2.0 XML MAP HTML |
العرض العادي
