~ .. أيامـ حياتي..تعبر عن ذاتي ..~ ][

#1 (**permalink**) 08-19-2009, 04:22 PM

على ذاك الرصيف أسهر وأنادي بكل جنـون القـار
أكلم شـارع خالـي سـواده مـن سـواد الليـل
تـرى ماهـو فلـس ولا بقلبـي قلـت الأشعـار
ولكن واقعي يفـرض علـي أكتـب بـلا تعديـل
أنـا راح العقـل منـي وعنـدي للجنـون أعـذار
معاناتـي إذا بوصـف يفـوق الوصـف والتعليـل

تناثرت أحزاني0000
وتبعثرت أوراقي0000
وتشتت أفكاري0000
وتقطعت أنفاسي0000
وتجمعت كلماتي0000
هنا سيكون استسلام قلمي..
هنا سأسكب دموع حزني..
هنا سأضحك..
وأبكي..
أتذكر..أنسى..
سأضع بين يديكم ذكرياتي..
بأفراحها..وأتراحها..
بأيامها الدافئه..
ولياليها الشتويه..
...
أوقات كثيرهـ احتاج أن أبوح عما في صدري..
أحتاج أن أبكي..
فلا أجد من أبث له شكواي..
ليس قلة في أحبابي...
بل هم كثر..
ولكن..كل إنسان ولديه من الهم مايكفيه..
فلما احمل غيري همي..!!
لذاخصصت لنفسي زاويتي هذهـ..
لأبث شكواي لعالم ارتبط به..
فأصبحت جزء منه..
...
إلى كل من يهمه أمري..
كونوا بالجوار..
كونوا بالقرب من مساحتي..
لأشعر بالدفء..
لأشعر بالآمان..

من اللي قد وقـف مثلـي يواجـه لعنـة الأقـدار؟!
رضى يبقى ويتحمل ...عشر أضعـاف همـه يشيـل
مـن اللـي ثبـت أقدامـه يقـاوم شـدة التيـار؟!
ويعرف ان النخل وهو النخـل راح وجرفـه السيـل..

08-19-2009, 05:57 PM

™`•.¸¸.•¤¦¤`••.¸¸.• `][....][ `•.¸¸.•¤¦¤`••.¸¸.•`™

فمان الله يا راحل وتاركنا بدون أسباب
سمعت الشور
من حاسد ولا قدرت تاليها
نقول إرحل
ولو ما عاد تفتح للرجوع أبواب
محبتنا الأصيله باقيه باسمي مباديها
يا راحل لو يطول البعد منا ما سمعت عتاب
نقدر عشرة الغالين والزلات نمحيها
رحيلك زوّد الحرقه وغرّق بالدموع أهداب
ولأنه باختيارك تقنع النفس بمآسيها
وأنا ما ابي يبين الشرح للاقراب والاغراب
تكفيك الاشارة والامور بيدك تنهيها
وأنا ما كنت أقول الشعر لو ما احس قلبي ذاب
عتب عيني على من هو حرمها شوف غاليها

08-19-2009, 06:58 PM

هوشااتي مع مرام ( اختي ) لوول

بيوم من هالاسبوع كنت توني معدلهـ نومتي

وابي انام سكرت اللابتوب مالي وسكرت الليت

بس انتبهت ان اختي مرام شريكتي بالغرفهـ مبطلهـ لابتوبها وقاعده تطالع لها فلم اجنبي

للعلم مرام اكبر مني بـ 4 سنين

مرام دايم اذا كانت بتنام تخليني اطلع من الدار لان ليت الابتوب يزعجها

فطلبت منها لاول مره مرام لوسمحتي تفضلي برى بنام اليوم انا معدلهـ نومتي قالت انا بنام بعد شوي

قلت اوكي بس انا بنام الحين تفضلي برى حدي دايخهـ

تهاوشنا وصرااخ ونجرهـ والنااس كلهم نايمين صرراخ طلعت امي من دارها تقول شفيكم << امي متعوده دايم نتهاوش

قلت لها يمى اهي دايم تطلعني لما بتنام هالمره انا بطلعها لاني بنام

عصبت مرام شالت فراشها والدوشق والمخده

وحطتهم بدار هيا ونامت عندها يومين

واحنا هوواش ونجره بس بما اني اانا وياها متعودين

فعدى الامر على خير وردت اختي عزيزتي اللي اذا تضايقت تهاوشت معاها

للدار

للتعليقات : استقبل ع الخااص ..

08-19-2009, 11:49 PM

وش ناوي؟؟ وليه انت علي قاسي!!
كفايه تشعل النيران بقلبي وتجرح احساسي
حسبتك اعز انسان هديتك اعذب الالحان
تحابينا مثل الاخوان
تسامرنا مثل خلان
تزاعلنا وتراضينا
الا هالمره ترى غلطان
طعنت القلب وخليته يعاني نزف والم حرمان
وذوقته العذاب الوان
حسافة فوق كل هذا تجيني
بصورة الولــهان
وبكل بساطة تقول اعذرني ترى
"ندمــــــــان"

08-20-2009, 04:08 PM

جيتك مشاعر جارفه مالها حد ** شوق والم فى خوف تجفى حياتى
دام الطريق الموت تكفين لابد ** اغرق فبحر عيونك الساحراتى

08-20-2009, 04:20 PM

في يوم من الاياام

رحلتنا الى العمره ..

تذاكرنا ..

صوره للحرم ..

كنا مسافرين على الطيران السعودي ..

08-20-2009, 04:29 PM

Anime Naruto

من اكثر الانميات اللي اعُجبت بها

شفتهـ اكثر من عشر مراات كــل ما مليت شفتهـ

للعلم الانمي بالياباني ومترجم عربي

والانمي عباره عن جزئين

الجزء الاول اسمهـ Naruto بس

وعدد حلقاتهـ 220 حلقهـ

الجزء الثاني Naruto shippuden

واهو لي الحين تنزل حلقاتهـ ما خلص

بس عدد الحلقات اللي نزلت لهذا اليوم

عباره عن 123 حلقهـ

في يوم من الايام كنت ابحث في بابا قوقل

وكانو كاتبين موضوع اسمهـ ناروتو سعودي

استغربت لما بطلتهـ كانو حاطين صور البطل ناروتو مغتر لابس غترهـ ودشداشهـ

شكلهـ يضحكـ فبحط لكم الصورهـ ..

08-20-2009, 04:36 PM

اليوم انا رايحهـ لبيت خالتي

ولدت وجابت بنوتهـ واهي كانت واعدتني اذا جابت

بنوتهـ بتسميها علي لان انا وخالتي هذي حيييل مع بعض

واول ما ولدت وانا اقول شهد الجديده جت شهد الجديده جت

بس للاسف الشديد ام رجلها قالت سموها نوره

وسمو البنت نوره

بس ما علي انا اليوم رايحهـ بتشرهـ

اروح وارد اقولكم شنو صار معااي

لي بااكـ

08-21-2009, 12:27 AM

وها قد عُدت اليكم ..

اليوم رحت لبيت خالتي اللي ولدت << الحمدلله على سلامتها ..

انا كنت رايحهـ معصبه ليش ما سموها شهد

بس لما شفت البنوتهـ صغييييييييره حييييييييييييييييييييييييل

شفتها وطخيت

بس قلت لخالتي انا مابي اكلمج قلت شسوي

مو بكيفي سميناها نوره لوووول

وقلت لا شدعوى عادي اصلن انا استهبل احسن

عشان مايكون بالعايلهـ الا شهد وحده احم احم انا لوول

..

08-21-2009, 12:28 AM

اي اي صج نسيت

رحت للصالون ونقشت ايديني لرمضان اللهـ يعوده علينا وعليكم بألف خير

نقشت ايدي من وراء ومن جدام

بس يصير لون الحنهـ حلو انزل صور ايديني

اهني عشان تشوفونها ..

بس مو تضحكون علي ايدي اذا مو حلوه احذركم لووول

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

إهـداءات شمـــوع