في زفافي ... ما أبي غيرك يقول أحلى قصيده

01-08-2008, 08:37 AM

في زفافي ... ما أبي غيرك يقول أحلى قصيده

هي تقول :

ياحبيبي .. استمع مني شوي

لاتصد .. ولا تضايق ..

كلمتين اقولها لك .. انت رايق ؟

مثل حبك مالقيت ومالقيت ..

مثل احساس الجنون اللي بحبك مانسيت ..

كل مابي قد تغير يوم شفتك

كل كذبي هو تحول من عرفتك ..

بس لازم تستمع اخر كلامي ..

وش نهاية عشق جايع .. حب ضامي ؟؟

ودي اااااغير حياتي كلها ..

ودي انسى كل شي ..

وحتى انت ..

ابدى في نسيان حبك ..

ايه وربك

بكفر بكل الحلوف اللي هديتك ..

حتى عهدي ..

بمسح بوجهه بلاط الصدق عندك ..

وسط بيتك

بس انا بطلبك طلبه ..

في زفافي ..

ماابي غيرك يقول احلى قصيده

زفني فيها بصوتك ..

خل كل الغيد تفرح

وانت افرح ..

وخل هالكوشه تبسم ..

في وجودي ..

وخل كل الورد مسرح .. من ورودي

هي تقول .. وكل مافيني من الصدمه ذهول ..

انربط كل الكلام بموقد الاحساس يصرخ

ويش اقووووووووووول ؟؟

ياالهــــي ..

مااصدق ..

هو كلامه .. او انا في حلم مزعج

مااصدق لا وربي ذا كلامه ..

حتى اذكر يوم يبدى في سلامه ..

كان يرجف ..

الا والله رجفته هذي انا اذكر

يوم يبكي لي ويحلف

ماابيعك .. ماابيعك ..

لو تموت احلى سنيني ..

لو يذوب العمر فيني ..

مااعيش الا بربيعك ..

بس انا كيف ابتديها ..

ياقصيده طالبك طلبة سنيني ..

ياجنوني طالبك طلبه تجيني يالله نبدء ..

لاتقول الموت يعني لي قصيده

باابتديها وبانتهيها ..

اقسم بربي وربك لـ ابتليها

ويش يعني بعدها ممكن يصير .

يالله نبدء او بقى شيء خطير

ممكن ابدء ؟

ليلة ٍ ماهي مثل كل الليالي

******************** ليلة ٍ تبكي على مجنون ليله

يالله كمل ؟؟

قول يالله لاتلعثم ..

كل هالصاله على حزنك ترنم

لاتنمل

ليلة ٍ فيها رخص من كان غالي

******************** ثم شالو في عزاه الفين شيله

بس تذكر .. هو حبيبك ..

ياجنون الشعر خله في سعاده

لاتعكر جوه الصافي وتذكر

انه الغالي حبيبك ..

او من كان يتسمى ابـ نصيبك

كمل الزفه بروح الخاسر اللي ..

مبتسم في يوم موته ..

يالله كمل ..

ليلـة ٍ فـيهـا الـفـرح لا مايبـالـي

******************** يوم بانت شيخة الغيد الحكيله

جت تمايل والهوى صدره شمالي

******************** واللقا زغـرد على خـل وخليلـه

اقـبلـي يامـاسـة التـاج الخـيالـي

******************** وانثري زينك على من هو يكيله

ادرى قاسي ..

حكم هالدنيا عليك ..

بس انت اكبر واكبر

انت ناسي؟

هي ترى والله تحبك ..

سابقاً ..

وانت تفرق

سابقا ً و لاحقاً ..

اختم الزفه وبارك ..

وانسحب في صمت عاشق

مابحث بأسباب موته ..

لاااااااااااااااااا ابد ماني بعاشق

من يقول اني احبه ..

اقسم بربي وربه .. مااحبه

بس انا بااااموت لو قفى بدربه ..

ياجنوني لااا ترفق ..

خلني اختم قصيدة زفته ..

ابـ بيت واحد .. لو يبي يعرف غلاه وامحبته

لاتـروحـي طـالبـك يالله تعـالي ***********************************

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليله زفافي	Malaki	★ عروس شموع » •	152	12-08-2010 08:36 PM
قصيده رائعه للشاعر محمد درويش عن الاقصى	أخ‘ـَفي غلاك	♣ شعر - ابيات - عتاب - حب - رومنسية - فراق ≈	3	05-11-2010 01:02 AM
يوم زفافي اقترب فهل ستباركون لي ام لا..؟؟	شموع الأمل	♣ فضاء بلا حدود ≈	16	04-29-2010 02:10 AM
آحلى وآروع صـور لـ آحلى وحده Demi Lovato ~	uŋbяеакάвŁэŞ●ŋơŋά	♣ أخبار وصور المشاهير وكل جديد على الساحه الفنيه ≈	11	04-14-2010 04:54 PM
ما بقي لي غيرك !!	ملكےالشموٍخے	♣ خواطر - خاطره حب - خاظره حزينة - خواطر طويلة ≈	6	03-16-2010 05:39 PM

الذين يشاهدون محتوى الموضوع الآن : 1 ( الأعضاء 0 والزوار 1)

إهـداءات شمـــوع

في زفافي ... ما أبي غيرك يقول أحلى قصيده

♣ خواطر - خاطره حب - خاظره حزينة - خواطر طويلة ≈