أنا ماجيت اخرب عرسك الليله

01-09-2011, 04:54 AM

أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي

اذا عجبتكم بشوف تقيكم الحلووو

01-09-2011, 04:58 AM

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

يَ لبى

عذ آ آ آ ب الكلمآت

إنتقآء رآئع منج مرآقبتنآ

تسسلمَ لنآ يمنآ آ آ ج

وآلله يعطيـج آلعآفيـه

تقييم لَ رووعه إختيآرج

- تحططمت ع آلآبيآت

01-09-2011, 05:08 AM

اقتباس:

المشاركة الأصلية كتبت بواسطة {اسيرهـ الخيآل ~

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

يَ لبى

عذ آ آ آ ب الكلمآت

إنتقآء رآئع منج مرآقبتنآ

تسسلمَ لنآ يمنآ آ آ ج

وآلله يعطيـج آلعآفيـه

تقييم لَ رووعه إختيآرج

- تحططمت ع آلآبيآت

الله يسلمج ياقلبي
ومشكورهـ علي التقيم

01-09-2011, 08:47 AM

مشكوره يالغلآ ~
ـآآلله يعطيك ـآآآلــف عآآآآفية ّ~
بنتظآآآر جديدكـ ّ~
تقبلي مروريّ~

كـــــــــــــــل ّالّـــــــــــــــود ّ~

01-14-2011, 12:09 AM

اقتباس:

المشاركة الأصلية كتبت بواسطة ترانيم الامل

مشكوره يالغلآ ~
ـآآلله يعطيك ـآآآلــف عآآآآفية ّ~
بنتظآآآر جديدكـ ّ~
تقبلي مروريّ~

كـــــــــــــــل ّالّـــــــــــــــود ّ~

العفو ياقلبي
والله يعافيج ويسلمو
علي المرور الجميل

01-09-2011, 01:06 PM

حلا الكويت

راق لي مانقلتي

قصيده جميله

تتكلم عن مدا الحب الذي يحمله لها وهو قلبه يحترق نار الفراق

وفي يوم زوااجها

ودائما الحب والاقلب تكون نهاية الفراق

ولكن تظل الذكرى الحلوه لا تمحيها الايام

دام الحب صادق من الطرفين

وتسلمين على الابيات الجميله رغم الحزن في طيااتها

وتقبلي مروري المتوااضع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خلني لاجيت أبوسك تنطق شفاتكـ	خطيرة الملامح	♣ شعر - ابيات - عتاب - حب - رومنسية - فراق ≈	10	04-05-2010 04:34 PM
أكبر قهر لاجيت تعشقلك إنسان	شوكلاتة	♣ شعر - ابيات - عتاب - حب - رومنسية - فراق ≈	15	01-22-2010 07:53 PM
[ مبروك عرسك ] قصيده + صوت ..!	{اسيرهـ الخيآل ~	♣ شعر - ابيات - عتاب - حب - رومنسية - فراق ≈	21	06-28-2009 11:00 PM
أنا ماجيت أبروزلك .. جروحي .. ياغلا .. وأشقـــاك	صمت آلجروح	♣ شعر - ابيات - عتاب - حب - رومنسية - فراق ≈	8	11-17-2008 03:45 AM

الذين يشاهدون محتوى الموضوع الآن : 1 ( الأعضاء 0 والزوار 1)

إهـداءات شمـــوع

أنا ماجيت اخرب عرسك الليله

♣ شعر - ابيات - عتاب - حب - رومنسية - فراق ≈