قصة مهبول

في يوم من الايام وفي حارة تسمى ام ترلللي كان في الحاره مهابيل كثيييير وكان فيه مهبول مثقف وكان اذكاهم وكل ما بغوا شي جو لمه

وفي ليلة من الليالي انسدح مهبولنا المثقف في سطح بيتهم وجلس يناظر النجوووم ويفكر قال الحين انا وش مجلسني مع هالمهابيل صحي اني مهبول بس انا اذكاهم

يعني مثلا انا اعرف التلفزيو ن اما هم لو تسئلهم عن النعله ما يدرون وشي المهم وهو يفكر ويفكر قرر قرر انه يطلع ويتركهم يطلع ويشوف العالم من برى

وكان فيه واحد من المهابيل دايم تلقااه سهران يعني ليل ولا نهار لاقيه لاقيه ودايم جالس عند باب بيتهم ولحسن سوء حظ مهبولنا كان هالمهبول اللي قبله سهران

يصير ولد جيرانهم

المهم قام مهبولنا وجمع اغراضه وجاء بيطلع ويذكر ذا المهبول الله ياخذه وجلس يفكر مره ثانيه وشلون بيطلع بدون مايشوفه ذا المهبوول ويفكر وتجييه فكره خطييره

قال مدامي طالع طالع والدعوه خربانه خربانه بقتله وامري لله

وكان في غرفته شوزن ويروح وياخذه ويحط فيه رصاص ويوم جاء بيطلع قال لحظه يابو الشباب بيقومون العالم من صوت الشوزن ويجلس يفكر مره ثالثه وتجيه فكره ويقوم ويروح لم المطبخ وياخذ سكين قال

ابطعنه واللي يصير يصير ويطلع ولا يلقاه يوم ما لقااه بغى ينهبل قال الحين تفكير وتخطيط ومدري ايش ولا لقيته والله ما اروح الا وانا ذاابحه خلاص انا قلت بذبحه يعني بذبحه هذا جزء من الخطه ويدوره يمين وما

لقاه دور يسار ما لقااه قال خلاص اكيد ولد الحلال هداه ربي ونام تراه ما نام من ثمان سنوات وخمس دقايق وثانيتين بس انا ذابحه ذابحه لو وهو نايم انا قلت بذبحه يعني بذبحه وكلمة المهبوول وحده

ويطب في بيت المهبول ولد جيرانهم ويدخل البيت ودوره في كل الغرف الا غرفه وحده ما دخلها والمشكله كل الغرف اللي دخلها فاضيه وجاء بيدخل اخر غرفه يوم دخل لقى ولد جيرانهم مذبح عائلته كلها

وجاء بينتحر وقاله لحظه قبل ما تنتحر ليش مذبح اخوانك وامك وابوك قاله انا كنت عند باب بيتنا زي العاده مانمت وفجأه سمعت صوتك كنت تفكر في بيتكم وصوتك عالي <<<<<<شلون تجي هاذي مدري

بس عند المهابيل كل شي يجي

المهم

انا فكرت وقلت يعني بموت وانا في عز شبابي عمري 120 بس قلت انا ميت ميت وبدال ما يذبحني بنتحر لاني افضل اقتل نفسي ولا يذبحوني الناس

قاله المهبول المثقف طيب ليش قتلت ابوك وامك واخوانك لان هذا برا خطتي وما كنت ناوي اسويه

قال المهبول انا يضيق صدري اذا شفت امي تصيح في العزاء حقي<<<<< طيب انت بتصير ميت ياذكي بس عند المهابيل كل شي يجي

قال المهبول المثقف واخوانك وابوك

قال المهبول السهران انا ما اتحمل اشوف اخواني بدون امي ولا اقدر اشوف ابوي مع اخواني وش بيسوي لهم لحاله قلت خل اقتله معهم

قال المهبول المثقف خلاص تكفى لا تنتحر رحمتك صراحة بعدين قال وشرايك نلعب كوره بس ونوسع صدورنا

النهـــــــــــــــــــــــــــــــــــــــا يـــــــــــــــــــــــه

من تاليفي