|
|||||||
إهـداءات شمـــوع |
|
«
تعلم الهوااش بالانجليزي
|
بتتعلمون غصب عليكم يعني غصب مو برضاكم
|
تعلم اللغة الانجليزية بالصور والصوت
»
|
|
LinkBack | أدوات الموضوع | انواع عرض الموضوع |
|
|||||||
|
إهـداءات شمـــوع |
|
|
|
LinkBack | أدوات الموضوع | انواع عرض الموضوع |
06-10-2008, 03:05 AM
|
#1 | |
|
♫ قيثــآرهـ ح ــب ♫
|
بتتعلمون غصب عليكم يعني غصب مو برضاكم
ان ماخليتكم تشربون اللغه شرب
 وتنطقون الانقلش نطق الفصحه ماكون انا برنسيسة الحب ________________________________ السلام عليكم ....موضوعنا اليوووووم حلللللللو مره....يالله ركزوا معي... ازعجونا في اللغه وهي سهله بس المشكله, فقعوا روسنا بالقواعد والفاعل والمنصوب والناصب والحرامي لكن انا جيكم وبعلمكم بدون وجع راس يالله نبدأ: افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,, i = معنها = انا هل تحب جبنة بوك= لاحظ بوك بس نوع فاخر +بوك= book = كتاب هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم  هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول وانتي واقفه تطالعين المرايه ,,,, فار مر ,,, تحت رجولك ماذا يحدث .gif) ,,,, بتصير مشاكل كبيره ,,, ليش كذا ؟ الجواب: فار مر فار مر ,,,, معنها مزارع ,,,,, ككك; farmer <<<< مزارع من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب يعني تقدار تقول= ادفع الباب او دف الباب = push the door = بوش ذا دور كلمه ثانيه:واحد يقولك: كيل تفاح تصير قوي_ كيل برتقال _كيل موز لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him كلمه ثانيه: واحد يطق الباب وش تقوله: اكيد تقول ( مين) مين مين مين mean = مين = تعني = معنى = او قصد = كأنك تسئل وش معنى كلامك او وش قصدك مثال: تسئل واحد وش قصدك ؟ what do you mean = وات دو يو مين كلمه ثانيه: وعلى فكره كلمة = com الي تشفونها في الرابط = تعني = شركه = وهي اختصار كلمة = company تسمعون البزر يقول الى امه : ماما يالله قوه البيت = قوه قوه = ياقليب قليبوه المهم واضح معنها لكم : go = كوه = قوه يالله نروح= let is go = ليتس قوه كف = فيه احد ما جاه كف على وجه ؟ انا بصراحه تصفقت لين دخت .gif) كف= معنها = كحه . كف = cough تقدار تقول= i have cough = اي هاف كف = انا عندي كحه او سعال مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو انا اهتم = i care = اي كير باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان هورس = حصان = horse باوار= قوه =power ركزوا معي في تركيب الجمله = انا عندي حصان = i have horse = لاحظوا = i have = متكرره , i have = انا عندي يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره الرئيس الأمريكي السابق ( بيل كلينتون ) بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل او تقول = بيل بليز = فاتوره لو سمحت = اهم شي تدبر عمرك بلوتوث = واواواواو bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟ بلوتوث تعني = الناب الأزرق = او لو حبيتوا نقول الضرس الأزرق ماشي, بلو= blue = ازرق توث= tooth =الناب او الضرس هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر فار = مخلوق نذل يصعب مسكه الى اذا جبت له قطو فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very يعني تقدار تقول= u are very far =يو ار فيري فار = على كيفكم ني = اللحم ني او الدجاج مو مستوي ني .gif) ني= knee = معنها = ركبه بس ماعليكم من حرف الكاف في بداية الكلمه ماينطق =k nee = تنطق = ني كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم كان = CAN = يستطيع او يقدر = انا استطيع = I CAN ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه طيب وش رايكم كسبت التحدي ولا لا؟ طيب يلا اللحين انا بعلمكم الالوان وايام الاسبوع : نبدأ بالالوان : طيب اللون الاصفر : أنت لما يجي واحد يتصل عليك وش تقول بتقول ( الوو ) طيب الو هي اللون الاصفر yallo . طيب اللون الاحمر :أنت لما تروح المطبخ وتبي تسويلك اكله بسيطة وفجاة لقيت صرصور في المطبخ الله لايبلانا <<< صارت معاه مشكله مع صرصور . طيب المهم وش رايح تسوي اكيد رايح تجيب مضاد الحشارات ( ريد ) طيب ريد هي اللون الاحمر red . طيب اللون الاخضر : في مدينة حلوة بالخارج ومخضرة اسمها ( غرين ) طيب غرين هي اللون الاخضر Grean . طيب اللون الاسود : أنت لما تجي تتهاوش مع واحد بره المدرسة <<< راعي هوشات ههههه وش رايح يقولك بيقولك وش بلاك أنت ارمي الوش وخلي ( البلاك ) طيب بلاك هذه اللون الاسود ( Bllack ) . طيب اللون الابيض : أنت لو عندك خزان ماء في البيت اذا فضى وش رايح تجيب أكيد ( وايت ) طيب وايت هي اللون الابيض White . طيب نروح أيام الاسبوع : طيب يوم السبت : أنت اذا جيت تدعي لله تقول يارب استر طيب ( ستر ) هي يوم السبت Satr Day . طيب يوم الاحد : اذا جيت انت والشباب تلعبون بلوت وجاء واحد قال حك أنت رايح تقول ( صن ) طيب صن هذه يوم الاحد Sun Day . طيب يوم الاثنين : طيب يوم انعزمت عند واحد وجاك واحد قال العزيمة وشو انت رايح تقوله ( مندي ) طيب مندي هذه يوم الاثنين Mon yDa . طيب يوم الثلاثاء :أنت اليوم الثاني بعد العزيمة جيت اشتقت للمندي وكان نفسك تعزم اخوياك على ( تيوس ) طيب تيوس هذه يوم الثلاثاء Tuose Day . طيب يوم الاربعاء : طيب عندك واحد خويك وعنده مشكله في اسنانه لازم بعد كل كلامه ينطق ث ( يعني بالعربي يصفر في كلامه ) طيب انت جيت قلتله تجي معي هو رايح يقول ( وينث ) طيب وينث هذا يوم الاربعاء Wendse Day . خخخخخخخخخخخخخ ----------> لسه مزكمة تحياتي برنسو |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| احبك غصب عنك يا................ | شموخ إنسآن | ♣ خواطر - خاطره حب - خاظره حزينة - خواطر طويلة ≈ | 6 | 11-28-2009 08:28 PM |
| غصب أضحك / غصب أفرح , ولكن الجروح كثآر | صمت آلجروح | ♣ شعر - ابيات - عتاب - حب - رومنسية - فراق ≈ | 7 | 03-31-2009 03:27 AM |
| غزة تحت الحصار | albrans_2009 | ♣ أخبار - خبر - مثيرة - جريمة - قتل ≈ | 1 | 01-28-2009 02:11 PM |
| غزة تنزف | albrans_2009 | ♣ شعر - ابيات - عتاب - حب - رومنسية - فراق ≈ | 1 | 01-16-2009 02:09 PM |
| سامحينا يا غزة | اميرة الدلع | ♣ شعر - ابيات - عتاب - حب - رومنسية - فراق ≈ | 2 | 01-12-2009 11:22 PM |
RSS RSS 2.0 XML MAP HTML PHP INFO GZ Site_Map SITMAP SITMAP2 TAGS DIRECTORY
العرض الشجري
