عضو في ضيافتنا..

أي بالله أخطوا والخطأ اللي جابهم عين الصواب=مبطي وأنا أشوف الطمع يكشف رداهم وأستره
ما يملى عيون الحسود في ها لزمن غير التراب=ومن لا يتوب من الخطأ تحرم عليه المعذرة
اللي من أولها خراب أكيد تاليها خراب=والبندق اللي ما تثور هدفها تذعره
ودك اليا من جاتك الغلطه من الناس القراب=الصاحب اللي ما كسبت محبته ما تخسره
مشكلتي إني ما عرفت أحسب لصدتهم حساب=قلتطهم صدري على ذكري قصيد وحنجرة
صوتآ يصول في منبره وخطاب ما بعده خطاب=والطيبه اللي زعزعت صوت الخطيب ومنبره
مافيه دمع صوبوه أحبابي بوجهي وخاب=ولازرق حزني على غالي ولافج نحره
كل الزهاب اللي معي ذكرى من أصحاب الزهاب=واللي بقالي من عذاب أشرس طريقي وأخطره
لإني تجنبت الغرق عديت من فوق السحاب=لإن أكثر أصحابي ورق ما شفت للطيب ثمره
والله ماحطيت بين الحقد والخوه حجاب=حتى غدوا ربعي يحدوني على الضيق أشكره
البارحه ثارت علي أرقاب وآوتني رقاب=البارحه يا ثقل دم البارح وياما أحقره
أهب يا وجه الحسد وشلون جمعهم وغاب=كيف السنين اللي عطتني بعثرتهم بعثره
أثر المصايب ماتجيك إلا من الناس القراب=وبها الزمن حتى الخوي اللي تاثق فيه أحذره
لابارك الله في رفيق تزعله كلمة عتاب=ولاجمع الله الرجال اللي تفرقهم مره
عودت نفسي كل ما شددت لليمه ركاب=ماصد وجهي عن طريق إلا اليا جبت خبره
الصاحب اللي مايجي من صحبته غير العذاب=نذرآ علي أن ما هجرني وإلا أنا اللي أبهجره
من يفتح لفرقاي باب أفك له عشرين باب=وإذا خويي ما يقدر خوتي ما أقدره
إن روحوا فأنا بري منهم ليوم الحساب=وإن جرحوا قولوا لهم ما حركوا في شعره
شفهم لهم حول السنه ولا خذوا مني جواب=أحسن دواء للي يحاول يستفزك تحقره
أنا جمعت أوراقهم بكتاب وأغلقت الكتاب=يا وقت لم اللي تلمه وأنثر اللي تنثره
ما كنت أحاتيهم صغير عاد أحاتيهم شباب=إن ماذخرني صاحبي لليوم الأسود ماأذخره
عقب اكتأب البارحه ما عاد أنا حمل اكتأب=الطيب جرجرني وأنا ماني بناقص جرجره
اللي يخاف من الظمأ يترك لنا طرد السراب=واللي ماهو بقد الظلام ووحشته لا يسهره
أنا تجرعت العطش لين أحترق وجهي وذاب=أنا كسرت بخاطري قبل الصداقه تكسره
أنا خسرت اللي غيابه غير عن كل الغياب=أنا غفرت لعالم ما تستحق المغفره
أنا أكثر إنسان تعلم من كثر ما أخطأ وأصاب=أنا آخر إنسان يتكلم في زمان الثرثره
أنا القصيد اللي فزع من دفتره مليون ناب=وأنا الوحيد اللي جمع مليون ناب بدفتره
جفني وجرحه السهر..حيلي وهدته الصعاب=دمعي هدر..ضحكي ندر..عمري وضيعت أكثره
شيبت بعقول العرب..هيبت رؤوس ما تهاب=جمهرت ناس عمرهم ما يعرفون الجمهره
ما صرت ذيب إلا لإن اللي حواليني ذياب=ما كنت أغيب إلا لإن العفو عند المقدره
ترا حلاتك لاحملت لصاحبك كلمة عتاب=إن ما نطقت بها بوجهه لا تذمه بظهره
في هالزمن ما يملى عين الحسود إلا التراب=وإلا الحظيظ الطلقه اللي ما تصيبه تذعره
ودك اليا جاتك الغلطه من الناس القراب=الصاحب اللي ما كسبت محبته ما تخسره