05-06-2009, 01:13 PM
|
#1 | |
|
مقالب بيوم الزواج
الموقف الأول : بوكيه ورد
هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق الرجال مسكت معه وقال أبد تحدي .. ماتقدرون تسوون فيني مقلب تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتحواثره العامل اللي يشتغل بالفندق ومعاه سلة فواكه .. هدية من الفندق للعرسان اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة : ألف ألف مبروك الزواج .. وأتمنى لك التوفيق في حياتكالجديدة ..أموله.. انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولاادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت مكتوب فيه : ألف ألف مبروك زواجك .. ونتمنى لك التوفيق في حياتك الجديدة أخوياك بالاستراحة ( أموله ) << هههههههههههههه والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخيراقتنعت البنت !!! يعني خربوا عليه أول ليلة في حياتهم .. بسبب هالتصرف !!!!! يآشينهم وياشين مقلبهم البآيخ خلوا الحرمه تشك بزوجها من اول ليله >> اكرهم *** الموقف الثاني : خمسين ألف ريال هذا الله يسلمكم واحد تزوج وكانت اموره كل شي زي اللوز، وكل شي عدا على خير أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نباركلك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثرالمعازيم ماشين ولا قدرنا نبارك لك .. بس قلنا نبارك لك لو بالتلفون قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الاتجون تتعشون عندي يا ابن الحلال ... عدل بدل ،، الرجاااال مصرّ الايجون البنت طبعا طااايرتن عيونها !!<< من جد وش يحس فيه <<عشآن تصير حرمه سنعه !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيباغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين<< ايي الزمن والله اطبخ << الزمن في بيت آبوهآ البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي قالت وش ذولي ؟؟قال هدية لك .. بمناسبة هالموقف اللي صار اليوم !! قالت شلون وش السالفة؟؟ قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان منخمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي البنت بلعتها ..<< ايي ببلعهاا مره مره والله لاأصيح <<آحمدوآ ربكم وانبسطت لسبب واحد .. قالت اشوى انه الطبع فيه مب صدق !! والا كان علوم ,, وأخذت الدراهم .. بس وش الفايدة لا خربواأول ليلة في حياتك الجديدة !! << صآدقه << وش تبي نآط لي في كل جمله!! *** الموقف الثالث : بخاري هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت معزوجتك للفندق .. بنتكفل فيه وبنجيب لكم شي مرررتب الرجال قال أبد ياشباب ماتقصرون ويكفي شعوركم .. ومن هالكلام واحد من الشباب قال للباقين .. تكفون خلواالعشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه بعد ماجلسوا فترة بالفندق .. رنّ الجرس وفتح العريس الباب وأثره خويه والمصيبة إنه جايب له العشاء كيس رز بخاري وبصل وجرجير ويمدها له وهو ميت ضحك وش موقف الزوج ؟؟؟؟؟؟؟؟؟؟ أترك لكم التعليق هههههههههههههههههه حسبي الله ع العدو مالقى الا بخآري .. والله يعرف يختآآر بسم الله على قلبه << وش فيه البخآري نعمه *** الموقف الرابع : النور هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور يااااوك وش السالفة .. طلع الزوج وفتح الطبلون حق الكهرب واشتغل النور رجع مرة ثانية .. وطفى النور .. وراح مرة ثانية وشغله ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال والله عآدي مااحس فيهآ شيء وإذا طفى النور ( لآتولع النور خل نورنآ طآفي )<< على قولة مآجد مايعتبر مقلب ....<<آي والله مآفيهآ شي *** الموقف الخامس : مقلب عكسي هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه قال لأخوياه انه نوى يتزوج وكذا .. وجلس يستعد للزواج،، ومن ضمن الاستعدادات .. طباعة كروت الدعوة طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت الشباب اخذوا البطاقات .. وشكلهم كانوا ناوين يسوون فيه مقلب يوم زواجه طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !! ويروح واحد يسأل اخو العريس .. وين فلان ؟؟ قال .. سافر قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟ قال .. زواجه امس ... وسافر اليوم الصبح هووزوجته وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم هههههههههههههههههه يآعميري احسن كفووو والله يستآهلوون هذا اللي يفكر مو اللي قبل شوي دلووخ .. الله يوفقهم ويهنيهم << صدقت عاد << عشآنك مخفه وبس خودآفس ( الله يحفظك ) بالهندي صدق والله 
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| برود كاست مقالب - برودكاست منوع - برودكاست بلاك بيري 2011 | {اسيرهـ الخيآل ~ | ★ برودكاست 2011 بلاك بيري مسجات Broad cast Message »• | 7 | 01-02-2011 11:01 PM |
| نقــطة تحول | **خطيرة الملامح** | ♣ استراحه للأعضاء - مواقف - بطاقات شخصية ≈ | 0 | 04-17-2010 05:08 PM |
| مقامة التوحيد | ђąώą ĞŝĔmį | ♣ حديث - قرآن - سورة - إسلامية ≈ | 0 | 04-04-2010 03:01 AM |
| نقاط تحول ياسر القحطاني في برنامج نقطة تحول لقاء شيق فيديو وصور | .صـدى المشـتاّق. | ♣ صدى الملاعب - رياضة - كورة - اهداف ≈ | 5 | 01-24-2010 01:26 AM |
| نقطة تحول | **خطيرة الملامح** | ♣ فضاء بلا حدود ≈ | 5 | 01-06-2010 05:11 PM |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
| RSS RSS 2.0 XML MAP HTML |
العرض الشجري
